كرسي الاعتراف

مساااااء الخير لكل اعضاء منتدانا الكريم
مرحبا شباب
مرحبا صبايا
كيفكم اليوم

انا جايبتلكم اليوم موضوع جديد بدنا نتفاعل معه ونتشارك
الهدف من هالموضوع هو التعارف بشكل افضل واجمل

احنا عم نعرف بعض من الردود والاراء بس كمان بدنا نتعرف اكتر

هلا ركزو معي

الموضوع بعنوان ((( كــرســي الاعتراف )))

خلو بالكو الاعتراف مو التعذيب

يعني....
هاختار انا واعوذ بالله من كلمة انا عضو كل اسبوع وهالعضو هايكون حلقة بحث وعرضه لاسئلة الاعضاء الاخرين
كل عضو مسموحله يسال بس 5 اساله مو اكتر ويا حلوين ما يكونو اسئله خارجه عن نطاق المسموح عشان ما نحرج حد
والعضو اللي وقع عليه الاختيار يجاوب بصراحه وكمان اذا في اسئلة شخصيه مطروحه فهو حر يجاوب عليها او لا

صارت واضحه الفكره؟؟؟؟

واول عضو هانبتدي فيه لهالاسبوع هو مشرفتنا الرائعه مشرفة القسم الديني تــــرتـــــيـــل

يالله ابتدو صبايا وشباب هلمو بطرح الاسئله

مرحباااااااااا ترتيل
يالله استعدي للمواجهة
اول سؤال مني او اسئلة هم:
اسمك؟عمرك؟مهنتك؟؟
اقرب 3 اشخاص الك (مو ضروري من اعضاء المنتدى)
احلامك في المستقبل؟؟
حالتك النفسية هلأ؟؟؟
أكلة بتحبيها؟؟؟
باقة شوك لمن بتهديها؟؟؟
خلص بكفي هدول الاسئلة هلأ
خلي البقية لبعدين
سلام

له له له يا عاشقة ما صدقتي


شوفي الشروط انو 5 أسئلة مو 6


انا بدي اشكر عيون على التوبيك الرائع يالا نخلي ترتيل تحكي و تجاوب على اسءلتك بعدين بسأل انا

شكرااا يا حياة بس والله ما نتبعت الا لما قلتي
بس يالله سماح هالمرة اوك

تسلميلي يا حياة والله
شو قصتك يا عاشقه نزلتي اسئلة ع ترتيل
ارحميها شوي
والله شكلها البنت خافت وهربت من المنتدى
لا تهربي ترتيل تعالي انا بحميكي

شكراااااااااااااااااااااااا كتييييييييير للفكره الرائعه وهاي الفكره كتييير اعجبتني للتواصل مع بعضنا وتزيد التعار-ف
بيننا...وشكرا يا عيون الملاك لاختياري لي اولا..وآسفه لتأخري في الرد...وهاد كله حسب فضاوتي
وهلأرح أجاوب :اسمك؟عمرك؟مهنتك؟؟

اسمي:ربا
عمري22 أنا من مواليد 9\5\1985
مهنتي:ربه بيت
اقرب 3 اشخاص الك (مو ضروري من اعضاء المنتدى)
زوجي\ووالداي(أمي أبي )الله يديمهماحلامك في المستقبل؟؟
أن أسس أسره مستقره..مبنيه على الموده والتعاطف
وأعلمهم أبذل قصارى جهدي لتعليم أولادي
حالتك النفسية هلأ؟؟؟متوتره ...لأني تحت التحقيق
أكلة بتحبيها؟؟؟المعجنات(بجميع أنواعها\المحاشي)
باقة شوك لمن بتهديها؟؟؟
لا أهديه لأي أحد لأني لا أحب أن أكره
لاكن هناك من أحقد عليهم وهم أعداء الله والمسلمين

اهلا و سهلا بيكي كتير حلو اسمك و الله يخليليك زوجك و اهلك يا رب


و تشرفنا بك

اهلا فيكي ترتيل
تشرفنا بمعرفتك
ان شاء الله يخليلك احبابك
ويكونو اولادك من الذريه الصالحه

1. شو الشي اللي ندمانة عليه في حياتك؟

2.وصفي حالك بخمس كلمات

3.لو ربحت مليون دولار شو بدك تعملي فهم ؟

4.لو رجعت 5 سنين للوراء شو كان سويتي ؟

5.مين بديك تقابلي في الحقيقة من اعضاء المنتدى ؟



يا رب ما بكون ضايقتك

الله يخليلك زوجك واهلك وانا كمان ههههههه
والله يخليلك ترتيل وحبيب قلبي زيود
يالله بلشي بالاجابة
موفقة

شكرا الك عيون وحياه وعاشقه (وكمان انت الله يخليلكو أهلكو)
ولو يا حبيبتي حياه الروح أنا ما بالدايق ومنك بالذات ....يا حبيبه
بس الأسئله بجدصعبه والله يوفقني بأن أجاوب

1. شو الشي اللي ندمانة عليه في حياتك؟
اني ما كملت الدراسه وهي دخول الجامعه بعد ما أنهيت التوجيهي

2.وصفي حالك بخمس كلمات
بركان خامد الا اذا حد داسلي على طرف فبثور بس برجع اخمد نيراني

عنيدة
واللي بقلبي على الساني(بكره هالصفه)
مزاجيه(أيام بلاقي حالى سعيده ..وايام متوتره)
3.لو ربحت مليون دولار شو بدك تعملي فهم ؟
بحطهم بشركات وبستثمرهم حتى تزيد المرابح ومابس يتوقف على ربحي
مليون دولار... وهيك كل ما بدي أعمل شي بعمل وبسوي اللي بدي اياه
وبضلها المرابح شغاله ..مو بس اصرف المليون وبعدها أضل بلا ولا شي

4.لو رجعت 5 سنين للوراء شو كان سويتي ؟
كان كملت الدراسه وسافرت لأني بحب السفر قبل ما أتحمل مسؤوليه العائله (لأن المسؤوليه كتير صعبه)


5.مين بديك تقابلي في الحقيقة من اعضاء المنتدى ؟

حابه كتييييير اقابل حياه الروح
فتون

شو ما في حد بدو يسأل ترتيل ؟؟؟
بعينك الله يا ترتيل استحمليني على اسألتي لانه مو لاقيه حد يسألك فقلت انا بسأل
س1 شخص لا ترفض له طلبا؟؟
س2 متى تغضبي؟؟
س3 شو هي الصفة اللي بتحبيها ومو موجودة فيكي؟؟
س4 هل انتـى راضية عن نفـسك؟ ولو راضـية ليش راضية ؟ ولو مش راضية ليش بردو؟؟
س5 شو اكتر شي بتحبيه فيني واكتر شي بيعصبك مني بصراحة ؟؟
اكيد اسألتي كتير تقال دم بس شو اعمل مضطرة اسألك لانه ما في حد يسأل
موفقة وسامحيني على الاسئلة